පළාත් පාලන ආයතන බල ප්‍රදේශයේ ජනතාවගේ පොදු විනෝදය, ප්‍රිය සම්භාෂණ, උත්සව හෝ වෙනත් කාර්යවලට කුලියට දීම සඳහා පළාත් පාලන ආයතන විසින් ශාලා පවත්වාගෙන යනු ලැබේ.

එවැනි ශාලාවක් කුලියට ලබා ගන්නේ කෙසේ ද?

1. ශාලාව වෙන් කර ගැනීමට ඉඩකඩ සහිත දින සහ වේලාවන් දැන ගැනීමට සභාවේ වෙබ් අඩවියේ හෝ පෙරටු කාර්යාලයේ ඇති ශාලාවේ පොරොත්තු ලේඛනය පරීක්ෂා කර බලන්න.
2. වෙබ් අඩවියෙන් බාගත කරගත් හෝ පෙරටු කාර්යාලයෙන් ලබාගත් ඉල්ලුම් පත්‍රය සම්පූර්ණ කර, අදාළ ගාස්තුව හා අරක්ෂිත ඇප මුදල සමග පෙරටු කාර්යාලයට බාර දෙන්න.
3. ඉල්ලම් පත්‍රය හා පුදල් භාරගත් පසු පෙරටු කාර්යාලය විසින් ලදුපතක්, පසු විපරම් අංකයක් සමග ශාලාව ඔබගේ පරිහරණයට දෙන නියෝගය ඇතුළත් ශාලා භාරකරුට යවන ලිපියේ පිටපත ඔබට ලැබෙනු ඇත.
4. නියමිත කාර්යාලයට ශාලාව යොදා ගෙන අවසාන වූ පසු ශාලාව, භාරකරුට භාර දෙන්න.
5. වෙන් කර ගත් කාර්යය අවන් වූ වහාම, ශාලා භාරකරු විසින් ශාලාවට හෝ එහි සවිකිරීම්වලට කිසියම් හානියක් වී තිබේ ද යන්න පරීක්ෂා කර බලා තත්ත්වය විෂය භාර නිලධාරිට වාර්තා කරනවා.
6. ශාලාවට හෝ එහි කිසියම් සවි කිරීමකට අලාභයක් හෝ හානියක් සිදු වී ඇත්නම්, තාක්ෂණ නිලධාරී විසින් එය පරීක්ෂා කර අලාභය පිළිබඳ තක්සේරුව විෂය භාර නිලධාරීන්ට දැනුම් දෙනවා.
7. අලාභ කිසිවක් නැත්නම්, ආරක්ෂිත ඇප මුදල සම්පූර්ණයෙන්ද, කිසියම් අලාභයක් සිදු වී ඇත්නම්, එහි වයිනාකම ඇප තැන්පත් මුදලින් අඩු කර ගෙන තවදුරටත් ඉතිරියක් වේ නම් එය ඉල්ලුම් කරුට ගෙන තවදුරටත් ඉතිරියක් වේ නම් එය ඉල්ලුම් කරුට ලබා දෙනවා.අය කර ගත් මුදලට ඔබට ලදුපතක් ලබා දෙනවා.
8. කිසියම් අලාභයක් පියවා ගැනීමට ආරක්ෂිත ඇප මුදල ප්‍රමානවත් නොවන්නේ නම්, ඉතිරි මුදල සභාවට ගෙවන ලෙස ඔබට ලිපියකින් දැනුම් දෙනවා.
9. ඒ මුදල ගෙවූ පසු ඔබට ඒ සඳහා ලදුපතක පෙරටු කාර්යාලයෙන් ලබා දෙනවා.
10. යම් හෙයකින් ඔබ ඒ මුදල නොගෙවා සිටියහොත්, මුල් දැනුම් දීමේ දින සිට දින 7 කට පසු ඔබ ඒ බවට සිහි කැඳවීමක් ලිපියකින් දැනුම් දෙනවා.
11. අලාභය ගෙවන ලෙස සිහි කැඳවීමෙන් පසුව ද, ඔබ ගෙවිම පැහැර හරින්නේ නම්, නාගරික කොමසාරිස් / ලේකම් විසින් ඔබගෙන් එම මුදල අය කර දෙන ලෙස මහේස්ත්‍රාත් වෙත ඉල්ලීමක් ගොනු කරනවා.
12. අදාළ නඩු දිනයේ දී, එම මුදල් දඩයක වශයෙන් අය කර ගැනීමට උසාවිය තීන්දු කරනවා.
13. නඩු තීන්දුවට අනුව මුදල ගෙවූ පසුව, ඔබට ලදුපතක් නිකුත් කරනවා.

නාගරික සංවර්ධන ප්‍රදේශයක් ලෙස නම් කර ඇති ප්‍රදේශයක ඇති ඉඩම් කොටස් කිරීම හෝ ඒකාබද්ධ කිරීම සඳහා නාගරික සංවර්ධන අධිකාරී බලය ක්‍රියාත්මක කිරීම සඳහා බලය පවරා ඇති අදාළ පළාත් පාලන ආයතනයේ පූර්ව අවසරය ලබාගත යුතු ය. එය ලබා ගන්නේ කෙසේ ද?

1. ඔබ මුලින්ම ඉඩම් අනු බෙදීමක් සඳහා වන ඉල්ලුම් පත ලබා ගන්න.එය පෙරටු කාර්යාලයෙන් හෝ වෙබ් අඩවියෙන් ලබාගත හැක.
2. ඉල්ලුම් පත්‍රයේ සඳහන් උපදෙස්වලට අනුව එය සම්පූර්ණ කරන්න.
3. ඉල්ලුම් පතේ සඳහන් පරිදි අදාළ සියලුම ලිපි ලේඛන සූදානම් කරන්න.
4. අමතර ලේඛන ලෙස,

ඉඩමට ප්‍රවේශ වීම සඳහා අදින ලඳ දළ රූප සටහනක්,නොතාරිස්වරයකු විසින් සහතික කරන ලද ඔප්පු ඡායා පිටපත් 3 ක් සූදානම් කර ගත යුතු අතර, වරිපනම් ලේඛනයට නම ඇතුලත් වී තිබිය යුතුය.

5. ඉල්ලුම් පත්‍රය පෙරටු කාර්යාලයට බාර දෙන්න. අදාළ පෙරසැරි ගාස්තුව ගෙවා, ලදුපතක් ලබා ගන්න.
6. ඉල්ලුම් පත්‍රය භාර ගත් බව හා ක්ෂේත්‍ර පරීක්ෂණයට පැමිනෙන දිනය ඒ මෙහෛාතේම පෙරටු කාර්යාලයේ නිලධාරීන් විසින් ඉල්ලුම්කරුට දන්වා සිටිනවා
7. නියම කරගත් දිනයේ දී තාක්ෂණ නිලධාරියා විසින් ඉඩමට පැමිණ තම නිරීක්ෂණ හා නිර්දේශ සටහන් කරගනු ලබනවා
8. ඉන් පසු තාක්ෂණ නිලධාරී විසින් තම නිරීක්ෂණ සහ නිර්දේශ සහිත ගොනුව සැලසුම් කමිටුව රැස් වන දිනයේ දී ඔවුන් වෙත යොමු කරනු ලබනවා.
9. සැලසුම් කමිටුව රැස්වූ දින සිට දින දෙකක් ඇතුලත මිනින්දෝරු සැලැස්ම සංවර්ධන කාර්ය සඳහා අනුමැතිය දුන් බවට වූ සටහනට සහ බලපත්‍රයට බලයලත් නිලධාරී විසින් අත්සන් තබා පෙරටු කාර්යාලයට ලබා දී අයදුම්කරු දැනුවත් කරනු ලබනවා
10. මෙය ඉල්ලුම්කරුට පැමිණ ලබා ගත හැකි අතර, අවශ්‍ය නම් තැපෑලෙන් සහ විද්‍යුත් ලේඛනයක ස්වරූපයෙන් ද ලබා ගත හැකිය.
11. යම් හෙයකින් ඔබගේ ඉල්ලුම් පත අනුමත නොකලේ නම් ඒ සඳහා සම්පූර්ණ කළ යුතු අවශ්‍යතා ගැන විෂය භාර නිලධාරියා විසින් ඔබ ව දැනුවත් කරනු ඇත.
12. යම් හෙයකින් ඔබගේ අයදුම්පත සැලසුම් කමිටුව විසින් අනුමත නො ක‍ළේ නම්, අමාත්‍යවරයා වෙත අභියාචනා කිරීමට ද ඔබට අවස්ථාවක් හිමි ව තිබෙනවා.

පළාත් පාලන ආයතන විසින් පවත්වාගෙන යනු ලබන ක්‍රීඩා පිටි කිසියම් කාර්යක් සඳහා වෙන් කර ගැනීමට අවශ්‍ය වන්නේ නම්, ඒ සඳහා පළාත් පාලන ආයතනයේ අවසරය ලබා ගත යුතු ය.

 එය කරන්නේ කෙසේ ද?

 ක්‍රීඩා පිටිය වෙන් කර ගැනීමට ඉඩකඩ සහිත දින සහ වේලාවල් දැන ගැනීමට සභාවේ වෙබ් අඩවියේ හෝ පෙරටු කාර්යාලයේ ඇති ක්‍රීඩා පිටියේ පොරොත්තු ලේඛනය පරික්ෂා කර බලන්න.

1. වෙබ් අඩවියෙන් බාගත කරගත් හෝ පෙරටු කාර්යාලයෙන් ලබා ගත් ඉල්ලුම් පත්‍රය සම්පූර්ණ කර, අදාළ ගාස්තුව හා ආරක්ෂිත ඇප මුදල සමග පෙරට කාර්යාලයට බාර දෙන්න.
2. ඉල්ලුම් පත්‍රය හා මුදල් භාර ගත් පසු පෙරටු කාර්යාලය විසින් ලදුපතක්, පසු විපරම් අංකයක් සමග ක්‍රීඩා පිටිය ඔබගේ පරිහරණයට දෙන නියෝගය ඇතුළත් ක්‍රීඩා භූමි භාරකරුට යවන ලිපියේ පිටපත ඔබට ලැබෙනු ඇත.
3. නියමිත කාර්යයට ක්‍රීඩා පිටිය යොදා ගෙන අවසාන වූ පසු ක්‍රීඩා පිටිය යොදා ගෙන අවසාන වූ පසු ක්‍රීඩා පිටිය භාරකරුට භාර දෙන්න.
4. වෙන් කර ගත් කාර්යය අවසන් වූ වහාම, ක්‍රීඩා භූමි භාරකරු විසින් ක්‍රීඩා භූමියට හෝ එහි සවිකිරීම් වලට කිසියම් හානියක් වී තිබේ ද යන්න පරීක්ෂා කර බලා තත්වය විෂය භාර නිලධාරිට වාර්තා කරනවා.
5. ක්‍රීඩා භූමියට හෝ එහි කිසියම් සවි කිරීමකට අලාභයක් හෝ හානියක් සිදු වී ඇත්නම්, තාක්ෂණ නිලධාරි විසින් එය පරීක්ෂා කර අලාභය පිළිබඳ තක්සේරුව විෂය භාර නිලධාරිට දැනුම් දෙනවා.
6. අලාභ කිසිවක් නැත්නම්, ආරක්ෂිත ඇප මුදල සම්පූර්ණයෙන් ද, කිසියම් අලාභයක් සිදු වී ඇත්නම්, එහි වටිනාකම ඇප තැමිපත් මුදලින් අඩු කර ගෙන තවදුරටත් ඉතිරියක් වේ නම් එය ඉල්ලුම් කරුට ලබා දෙනවා අය කර ගත් මුදලට ඔබට ලදුපතක් ද ලබා දෙනවා.
7. කිසියම් අලාභයක් පියවා ගැනීමට ආරක්ෂිත ඇප මුදල ප්‍රමාණවත් නොවන්නේ නම්, ඉතිරි මුදල සභාවට ගෙවන ලෙස ඔබට ලිපියකින් දැනුම් දෙනවා.
8. ඒ මුදල ගෙවූ පසු ඔබට ඒ සඳහා ලදුපතක් පෙරටු කාර්යාලයෙන් ලබා දෙනවා.
9. යම් හෙයකින් ඔබ එ් මුදල නොගෙවා සිටියහොත්, මුල් දැනුම් දීමේ දින සිට දින 7 කට පසු ඔබ ඒ බවට සිහි කැදවීමක් ලිපියකින් දැනුම් දෙනවා.
10. අලාභය ගෙවන ලෙස සිහි කැඳවීමෙන් පසුව ද, ඔබ ගෙවීම පැහැර හරින්නේ නම් ,නාගරික කොමසාරිස් / ලේකම් විසින් ඔබගෙන් එම මුදල අය කර දෙන ලෙස මහේස්ත්‍රාත් වෙත ඉල්ලීමක් ගොනු කරනවා.
11. අදාළ නඩු දිනයේ දී, එම මුදල් දඩයක් වශයෙන් අය කර ගැනීමට උසාවිය තීන්දු කරනවා.නඩු තීනදුවට අනුව මුදල ගෙවූ පසුව, ඔබට ලදු පතක් නිකුත් කරනවා.        

බල ප්‍රෙද්ශය තුළ සිදු කරන ඇතැම් ව්‍යාපාරවලින් හෝ කර්මාන්තවලින් පුරවැසියනිගේ සෞඛ්‍ය හා සනීපාරක්ෂාවට බලපෑමක් සිදු විය හැකි ක්‍රියාකාරකම් විධිමත් කිරීම හා පාලනය කිරීම සඳහා අතුරු ව්‍යවස්ථා සාදනු ලැබ ඇත. මේ අතුරු  ව්‍යවස්ථාවල නියමවලට යටත් වන සෑම ක්‍රියාකාරකමක් ම පවත්වාගෙන යන ස්ථානය වෙනුවෙන් වෙළඳ බලපත්‍රයක් ලබා ගත යුතු ය. එවැනි බලපත්‍රයක් ලබා ගන්නේ කෙසේ ද?                   

• නොවැම්බර් 15 = සෑම වර්ෂයකම නොවැම්බර් මස 15 වන දිනට පෙර ආදායම් ප්‍රභව සමීක්ෂණයට සමගාමීව වෙළඳ බලපත්‍ර සඳහා ඉල්ලුම් පත්‍ර බෙදා දීම.
• නොවැම්බර් 20 = සෑම වර්ෂයකම නොවැම්බර් මස 20 වන දිනට පෙර සම්පූර්ණ කළ ඉල්ලුම් පත්‍ර එකතු කරනු කරනු ලැබේ.

ආදායම් පරීක්ෂක විසින් තාක්ෂණ නිලධාරිගේ නිරිදේශය ප්‍රමාණවත් ඉල්ලුම් පත්‍ර වෙනමත්, මහජන සෞඛ්‍ය පරීක්ෂකගේ නිර්දේශය අවශ්‍ය ඉල්ලුම් පත් වෙනමත් වෙන් කර විෂය භාර නිලධාරී වෙත බාර දෙනු ඇත.

• දෙසැම්බර් 15 = මහජන සෞඛ්‍ය පරීක්ෂක හෝ තාක්ෂණ නිලධාරී විසින් අදාළ පරිශ්‍ර පරීක්ෂාවෙන් පසු නිර්දේශ සහිත ඉල්ලුම් පත්‍ර විෂය භාර නිලෂාරිට බාර දෙයි.

නිර්දේශ ඉල්ලුම් පත්‍ර , විෂය භාර නිලධාරී විසින් නාගරික කොමසාරිස් / සභාපති වෙත අනුමතයට ඉදිරිපත් කෙරේ.

අනුමතය ලැබූ ඉල්ලුම් පත්‍ර සඳහා වෙළඳ බලපත්‍ර සකස් කර නාගරික කොමසාරිස්ගේ / සභාපතිගේ අත්සන් ලබා ගෙන පෙරටු කාර්යාලයට යොමු කරනවා

• ජනවාරි 01 = ජනවාරි 01ට පෙර බලපත්‍රය සූදානම් බව සහ ගාස්තු ගෙවා බලපත්‍රය ලබාගන්නා ලෙස ඉල්ලුම් කරුට දැන වීම.
• බලපත්‍රය නිකුත් කිරීම නිර්දේශ නර නොමෙැති විට ,

අඩුපාඩු නිවැරදි කර නැවත දෙසැම්බර් 15 දිනට පෙර බාර දෙන ලෙස විෂය භාර නිලධාරි විසින් ඉල්ලුම්කරුට දැනවීමක් කරනවා.

අඩුපාඩු නැවත පරික්ෂා කිරීමට පෙර ක්‍රියාවලිය ආරම්භ කරනු ඇත.

පළාත් පාලනබල ප්‍රෙද්ශයක් තුළ සිදු කෙරෙන කවර හෝ ආකාරයක ඉදි කිරීමක් හෝ ඉඩම් අනු බෙදුමක් හෝ ඉඩම් ඒකාබද්ධ කිරීමක් සඳහා අනුකූලතා සහතිකයක් ලබා ගැනීම අනිවාර්යය කටයුත්තකි.එය සිදු කරන්නේ කෙසේ ද?

1. මුලින්ම ඉල්ලුම් පත්‍රයක් ලබා ගන්න. එය පළාත් පාලන ආයතනයේ පෙරටු කාර්යාලයෙන් ලබා ගත හැක. එසේම සභාවේ වෙබ් අඩවි‍යෙන් ද බාගත කල හැකිය.
2. මෙම ඉල්ලුම් පත පැහැදිලිව සහ නිවැරදිව සම්පූර්ණ කරන්න.
3. සම්පූර්ණ කරන ලද ඉල්ලුම් පත අදාළ ලේඛන සමග පෙරටු කාරයාලයට බාර දෙන්න.
4. එ් සඳහා නියම කරන ගාස්තුව ගෙවා ලදුපතක් ලබා ගන්න.
5. ඔබගේ ඉල්ලුම් පත ඒ මොහොතේම අදාල තාක්ෂණ නිලධාරියා වෙත යොමු කරන අතර, එය තමන්ට ලැබුණු විගස ක්ෂේත්‍ර පරීක්ෂණයට පැමිණෙන දිනය තහවුරු කරන නිවේදනය ඔබ වෙත ලබා දෙනවා.
6. නියම කරගත් දිනයේ අදාළ තාක්ෂණ නිලධාරියා ක්ෂේත්‍ර පරික්ෂාවට පැමිණෙන අතර, එම ඉල්ලීම පිළිබඳ නිරීක්ෂණ සහ නිර්දේශ සහිත ලිපි ගොනුව ඔහු විසින් ක්ෂේත්‍ර පරික්ෂාව කළ දිනයේම සැලසුම් කමිටුවට ඉදිරිපත් කිරිම සඳහා අදාළ නිලධාරියා වෙත බාර දෙනවා.
7. තාක්ෂණ නිලධාරියාගේ නිර්දේශ සහිත ඉල්ලීම සලකා බලා අනුමත කිරීම නියම කර ගත් කමිටු දිනයේ දී සිදු කරනු ලබනවා.
8. ඉන් පසු විෂය භාර නිලධාරියා විසින් සැලසුම් කමිටුව රැස් වූ දින සිට දින දෙකක් ඇතුළත අනුකූලතා සහතිකය පිළියල කර බලයලත් නිලධාරියාගේ අත්සන ලබාගෙන එය පෙරටු කාර්යාලය වෙත ලබා දෙනවා.
9. ඉන් පසු දේපළෙහි වාර්ෂික වටිනාකම තන්සේරු කිරීමට ආදායම් අංශයට වාර්තා නර ඒ පිළිබඳව ඉල්ලුම්කරු දැනුවත් කරනු ලබනවා.
10. පෙරටු කාර්යාල නිලධාරියා විසින්, තැපෑලෙන් හෝ අතින් අනුකූලතා සහතිකය ලබා දෙනවා.
11. විෂය භාර නිලධාරියා විසිින් ඔබගේ සැලසුමට අදාළ අනුකූලතා සහතිකය ලබා දීම ප්‍රතික්ෂේප කර ඇත්නම්, දන්වා ඇති පරිදි සම්පූර්ණ කළ යුතු අවශ්‍යතා සකස් කර නැවත බාර දිය හැකිය.

කිසියම් වරිපනම් කලාපයක පිහිටා ඇති නිශ්චල දේපලක් මත අදාළ පළාත් පාලන ආයතනය විසින් නියම කරනු ලබන වරිපනම් ගෙවීමට එම දේපළෙහි හිමිකරු හෝ පදිංචිකරු බැදී සිටී එය සිදු කරන්නේ කෙසේද?

1. සෑම වර්ෂයකම නොවැම්බර් 30 ට පෙර, නාගරික කොමසාරිස් / ලේකම් විසින් තක්සේරු නිවේදන ඔබ වෙත ලැබෙන්න සලස්වනු ඇත.මෙම නිවේදනයේ සඳහන් කළ දේපළෙහි වාර්ෂික වට්නාකම පිළිබඳ ව විරෝධතා ගොනු කළ හැකි බව ගැසට් පත්‍රයේ සහ පුවත්පත්වල නිවේදනය කරනු ලැබේ.
2. සෑම වර්ෂයකයම දෙසැම්බර් 01 දින සිට ජනවාරි 31 අතරතුර කාලයේ දී එම විරෝධතාව ඉදිරිපත් කිරීමට ඔබට හැකියාව තිබෙනවා.
3. තක්සේරු නිවේදනය ලැබුනු පසු ඕනෑම වෙලාවක අන්තර්ජාලයෙන් හෝ සතියේ දිනක පෙරටු කාර්යාලයට පැමිණ එම වරිපනම් ගෙවිය හැකිය.
4. වරිපනම් කලින් ගෙවන්නට වට්ටමක් ලබා දෙන අතර, හිඟ මුදලක් වේ නම් ඒවා ද ගෙවිය යුතු වෙනවා.අය කර ගත් මුදලට ඔබට ලදුපතක් ලැබෙනවා.
5. දේපළෙහි වාර්ෂික තක්සේරුවට ඔබ විරෝධතා ඉදිරිපත් කර තිබුණේ වුව ද, වර්ෂයේ වරිපනම් ගෙවීමට ඔබ යටත් වනු ඇත.

විරෝධතා පරීක්ෂණයේ දී, තක්සේරුව අඩු වී ඇත්නම්, වැඩිපුර ගෙවා ඇති මුදල ඉදිරි කාලයට හිලව් කරනවා.

ජලය,විදුලිය,දුරකථන හෝ වෙනත් සේවා සම්බන්ධතාවක් භූගතව ලබා ගැනීමේ දී,පළාත් පාලන ආයතනයක් සතු මාර්ගයක් පළුදු කිරීමට සිදු වන්නේ නම්, ඒ සම්බන්ධතාව ලබා ගැනීමෙන් පසු මාර්ගය යථා තත්වයට පත් කිරීම සඳහා පළාත් පාලන ආයතනයට වැය වන මුදල කලින් ගෙවා අවසර ලබා ගත යුතුය.

එය කරන්නේ කෙසේ ද?

 කිසියම් සේවා සම්බන්ධතාවක් ලබා ගැනීමට මාර්ගයක් පළුදු කිරීමට අවශ්‍යනම්, මුලින් ම එම ඉල්ලීම පළාත් පාලන ආයතනයේ පෙරටු කාර්යාලයට දැනුම් දී ඉල්ලුම් පත්‍රයක් ලබා ගන්න.

1. අදාළ මාර්ග පළාත් පාලන ආයලන සතු එකක් නම්, පෙරටු කාරයාල නිලධාරියා ඉල්ලුම් පත්‍රය බාර ගෙන පසු විපරම් අංකයක් ඔබට ලබා දෙනු ඇත.
2. ඒ මොහොතේ ම පෙරටු කාරයාල නිලධාරියා විසින් ඉල්ලුම් පත්‍රය විෂය භාර නිලධාරී මගින් තාක්ෂණ නිලධාරි වෙත යොමු කරනු ලබනවා.
3. ඉල්ලුම් පත්‍රය ලැබී දින දෙකක් තුල තාක්ෂණ නිලධාරි විසින් ස්ථානීය පරික්ෂාව සිදු කර තම නිර්දේශය විෂය භාර නිලධාරි මගින් ලේකම් හෝ ඉංජිනේරු වෙත ලබා දෙනවා.
4. අනතුරුව ලබා දී ඇති නිරිදේශය අනුව ඉල්ලීම අනුමත කිරීම හෝ ප්‍රතික්ෂේප කිරීම කරනු ලබනවා.
5. ඉල්ලීම් අනුමත කර ඇත්නම්, එදින ම ලේනම්ගේ හෝ ඉංජිනේරුගේ අත්සන් සහිත ඉල්ලීමට අවසර දීමේ ලිපිය සහ ගෙවිය යුතු මුදල් ප්‍රමාණය විෂය භාර නිළධාරි විසින් ඉලලුම්කරුට දැනුම් දෙනවා.

ඉල්ලීම් අනුමත කර නැත්නම්, ඒ බව හේතු දක්වමින් ඉල්ලුම්කරුට දැනුම් දෙනවා.

7. මාර්ගය යථා තත්වයට පත් කිරීමේ ගාස්තුව ගෙවූ පසු ලදුපත හා අවසර දුන් ලිපිය පෙරටු කාර්යාල නිලධාරියා විසින් ඉල්ලුම්කරුට ලබා දෙනවා.
8. කාර්ය අවසන් කළ වහාම ඉල්ලුම්කරු විසින් ඒ බව සභාවට දැනුම් දිය යුතුය.
9. ඉන් පසු දින හතක් ඇතුලත මාර්ගය යථා තත්වයට පත් කර ඒ සඳහා ගිය වියදමි තාක්ෂණ නිලධාරී විසින් සභාවට දැනුම් දෙනවා.
10. වියදම් වාරතාව ලබා දුන් දිනයේ ම ඉල්ලුම්කරු ගෙවූ මුදලින් යම් ඉතිරියක් වේ නම්, එය නැවත ඉල්ලුම්කරු වෙත ලබා දෙනවා.

පළාත් පාලන ආයතනයක් විසින් ලබාගත් ඉදිකිරීම් බලපත්‍රයක් නොමැතිව කරන ලද ඉදිකිරීම්, අනවසර ඉදිකිරීම් වන අතර ඇතැම් අවස්ථාවල එවන් අනවසර ඉදිකිරීම් සඳහා ආවරණ අනුමැතිය ලබාගත හැකිය. මේ එය සිදු කරන ආකාරය යි.

1. මුලින් ම ඉලලුම් පත්‍රය ලබා ගන්න.

එය පළාත් පාළාත් පාලන ආයතනයේ පෙරටු කාර්යාලයෙන් ලබා ගත හැකි ය.

එසේම සභාවේ වෙබ් අඩවියෙන් ද බාගත කළ හැකිය.

2. මෙම ඉල්ලුම් පත පැහැදිලිව සහ නිවැරදිව සම්පූර්ණ කරන්න.
3. සම්පූර්ණ කරන ලද ඉල්ලුම් පත අදාළ ලේඛන සමඟ පෙරටු කාර්යාලයට බාර දෙන්න.
4. ඒ සඳහා නියම කරන ගාස්තුව ගෙවා ලදුපතක් ලබා ගන්න.
5. ඔබගේ ඉල්ලුම් පත ඒ මොහොතේ ම අදාළ තාක්ෂණ නිලධාරියා වෙත යොමු කරන අතර, එය තමන්ට ලැබුණු විගස ක්ෂේත්‍ර පරීක්ෂණයට පැමිණෙන දිනය තහවුරු කරන නිවේදනය ඔබ වෙත ලබා දෙනවා.
6. නියම කර ගත් දිනයේ අදාළ තාක්ෂණ නිලධාරියා ක්ෂේත්‍ර පරික්ෂාවට පැමිණෙන අතර, එම ඉල්ලීම පිළිබඳ නිරීක්ෂණ සහ නිර්දේශ සහිත ලිපි ගොනුව ඔහු විසින් ක්ෂේත්‍ර පරික්ෂාව කළ දිනයේ ම සැලසුම් කමිටුවට ඉදිරිපත් කිරීම සඳහා අදාළ නිලධාරියා වෙත බාර දෙනවා.
7. තාක්ෂණ නිලධාරියාගේ නිර්දේශ සහිත ඉල්ලීම සලකා බලා අනුමත කිරීම නියම කර ගත් කමිටු දිනයේ දී සිදු කරනු ලබනවා.
8. ආවරණ අනුමැතිය සඳහා ගෙවිය යුතු ප්‍රමාද ගාස්තුව නියම කර එය ගෙවන ලෙස සැලසුම් කමිටුව රැස් වූ දිනට පසු දින ඉල්ලුම් කරුට දැනුම් දෙනු ලබනවා.
9. ඉලලුම්කරු විසින් ප්‍රමාද ගාස්තුවූ වහාම විෂය භාර නිලධාරියා දැනුවත් කල යුතු ය.
10. ඉන් පසු විෂය භාර නිලධාරියා විසින් ප්‍රමාද ගාස්තු ගෙවූ දින සිට දින දෙකක් ඇතුළත සංවර්ධන බලපත්‍රය පිළියල කර බලයලත් නිලධාරියාගේ අත්සන ලබා ගෙන එය පෙරටු කාර්යාලය වෙත ලබා දෙනවා.ඒ සමගම අයදුම්කරු දැනුම්වත් කරනවා
11. ආවරණ අනුමැතිය දුන් බවට තහවුරු කරන ලද ලේඛන පෙරටු කාර්යාල නිලධාරීන් විසින්, තැපෑලෙන් හෝ අතින් අයදුම්කරු වෙත ලබා දෙනවා.
12. බලපත්‍රයක් ලබා නොගෙන කරන ලඳ ඕනෑම ඉදි කිරීමක් අනවසර ඉදිකිරීමක් ලෙස සලකන අතර, එය කඩා ඉවත් කරන ලෙස බලයලත් නිලධාරියා විසින් නියෝග කරනු ඇත.

වරිපනම් ගෙවීමට යටත් දේපළක හෝ අක්කර බදු ගෙවීමට යටත් ඉඩමක හිමිකම, සභාවේ ලියා පදිංචි කර ගැනීමෙන් ඔබගේ වෙනත් කාර්යය සඳහා ද පහසුවක් ඇති කරනු ඇත. එය ගන්නේ කෙසේ ද?

 සභාවේ වෙබ් අඩවියෙන් බාගත කරගෙන හෝ පෙරටු කාර්යාලයට පැමිණ ගාස්තු ගෙවා ලබා ගත් ඉල්ලුම් පත්‍රය පිටපත් දෙකකින් සම්පූර්ණ කර අදාළ ඇමුණුම් ද සමග පෙරටු කාර්යාලයට බාර දී පෙරසැරි ගාස්තුව ගෙවන්න.

1. ගෙවන ලද මුදලට ලදුපතක් පෙරටු කාර්යාලයෙන් ඔබට නිකුත් කරනු ලබන අතර ඉල්ලුම් පත්‍රය විෂය භාර නිලධාරියා වෙත යොමු කරනු ඇත. ඉල්ලුම් පත්‍රයේ තොරතුරු, තක්සේරු ලේඛනය සමග සසඳා බලා තම නිරීක්ෂණ ආදායම් පරීක්ෂක වෙත ලබා දේ.
2. අවශ්‍ය වන්නේ නම්, ආදායම් පරීක්ෂක විසින් ක්ෂේත්‍ර පරීක්ෂණයක් සිදු කර තම නිරීක්ෂණ හා නිර්දේශ නාගරික කොමාරිස් / ලේකම් වෙත ලබා දෙනු ඇත.
3. ආදායම් පරීක්ෂකගේ නිර්දේශය අනුව, නාගරික කොමසාරිස් / ලේකම් විසින් ඉල්ලීම අනුමත කිරීම හෝ ප්‍රතික්ෂේප කිරීමේ නියෝගය විෂය භාර නිලධාරි වෙත යොමු කරනවා.
4. ඉල්ලීම අනුමත කර ඇති විට, විෂය භාර නිලධාරි විසින් තක්සේරු ලේඛනය සංශෝධනය කර ඒ බව ඉල්ලුම්කරුට දැනුම් දෙනවා. ඉල්ලුම් පත්‍රයේ දෙවන පිටපත, විෂය භාර නිලධාරි විසින් තක්සේරු දෙපාර්තමේන්තුවට යොමු කරනවා.

ඉල්ලීම් ප්‍රතික්ෂේප කර ඇත්නම් … … …  ?

 ඉල්ලීම් ප්‍රතික්ෂේප කිරීමට හේතු දක්වමින් නාගරික කොමසාරිස්ගේ / ලේකම්ගේ අත්සනින් ඉල්ලුම්කරුට දැනුම් දෙනවා.

6. ඉල්ලීම ප්‍රතික්ෂේප කිරීමට ඇති හේතු නිවැරදිව කර ඉල්ලීම නැවත ඉදිරිපත් කිරීමට ඔබට හැකියාව ඇත.
7. නැවත ඉල්ලීමට අනුව පෙර ක්‍රියාවලිය නැවත ක්‍රියාත්මක කරනු ඇත.

නොපවරා ගැනීමේ සහතිකය අවශ්‍ය වන්නේ, යම් තැනැත්තකු විසින් තම දේපළ ඇපයට තබා මූල්‍ය ආයතනයකින් ණයක් ලබා ගන්නා අවස්ථාවක දී ය. එම සහතිකය ලබා ගැනීමට පහත පියවර අනුගමනය කරන්න.

1. නොපවරා ගැනීමේ සහතිකය ඉල්ලීමේ ලිපිය පෙරටු කාර්යාලයට බාර දෙන්න.
2. අදාළ දේපළ සම්බන්ධව සභාවට යම් මුදලක් අය වීමට ඇත්නම්, එය හා සහතිකය නිකුත් කිරීමේ ගාස්තුව එම අවස්ථාවේ දී ම පෙරටු කාර්යාලයට ගෙවා ලදුපතක් ලබා ගන්න.
3. අනතුරුව පෙරටු කාර්යාලයෙන් නොපවරා ගැනීමේ සහතිකය වහාම ඔබට නිකුත් කරනු ලබනවා.

කිසියම් කර්මාන්තයකින් හෝ ක්‍රියාකාරකමකින් පරිසරයට සිදු විය හැකි අහිතකර බලපෑම් අවම කිරීමට පරිසර ආරක්ෂණ බලපත්‍රයක් ලබා ගෙන, ඒ යටතේ පමණක් එම ක්‍රියාකාරකම් කළ යුතු බව ජාතික පාරිසරික පනතේ නියමයක් ඇත.

 පරිසර ආරක්ෂණ බලපත්‍රයක් ලබා ගන්නේ කෙසේ  ද?

• ඔබගේ කර්මාන්තය හෝ ක්‍රියාකාරකම සඳහා පරිසර ආරක්ෂණ බලපත්‍රයක් ලබා ගැනීම අවශ්‍ය නම්, සභාවේ වෙබ් අඩවියෙන් හෝ පෙරටු කාර්යාලයෙන් ඉල්ලුම් පත්‍රයක් ලබා ගෙන නිවැරදි ව සම්පූර්ණ කරන්න.
• සම්පූර්ණ කළ ඉල්ලුම් පත්‍රය, අදාළ ඇමුණුම් සහ පෙරසැරි ගාස්තුව පෙරටු කාර්යාලයට බාර දෙන්න.

ඔබ විසින් ගෙවූ මුදලට ලදුපතක් සහ පසු                            විපරම් අංකයක් පෙරටු කාර්යාලයෙන් ඔබට             ලබා දේ

• ඔබගේ ඉල්ලුම් පත්‍රය ඒ අවස්ථාවේ දී ම, පරිසර විෂය භාර නිළධාරියාට යොමු කරනු ඇත.

පරිසර විෂය භාර නිළධාරි විසින් ඔබගේ ඉල්ලීම පරීක්ෂණය සඳහා පැමිණෙන දිනය හා වේලාව ඔබට දැනුම් දෙනු ඇත.

• ඉල්ලුම් පත්‍රය ලැබී දින හතක් ඇතුළත ක්ෂේත්‍ර පරික්ෂාව කර පරීක්ෂණ කමිටුවේ නිරීක්ෂණ හා නිර්දේශ නාගරික කොමසාරිස් / ලේකම් වෙත යොමු කරනු ඇත.
• විෂය භාර නිලධාරි විසින් පරිසර ආරක්ෂණ බලපත්‍රය සකස් කර නගරාධිපතිගේ / සභාපතිගේ අත්සනට ඉදිරිපත් කරනු ඇත.
• සකස් කළ පරිසර ආරක්ෂණ බලපත්‍රයට, නගරාධිපති/ සභාපති විසින් අත්සන් තබනු ඇත.
• අත්සන් කළ පරිසර ආරක්ෂණ බලපත්‍රය, විෂය භාර නිලධාරි විසින් පෙරටු කාර්යාලයට යොමු කෙරේ.
• අත්සන් කළ පරිසර ආරක්ෂණ බලපත්‍රය ඉල්ලුම්කරුට තැපෑලෙන් යොමු කිරීම හෝ රැගෙන යන ලෙසට ඉල්ලුම්කරුට දැන්වීම.

පරිසර ආරක්ෂණ කමිටුව විසින් ඉල්ලීම නිර්දේශ කර නොමැති විට … … … ?

• ප්‍රතික්ෂේප කිරීමට බලපාන ලද හේතු ඔබට දැනුම් දෙනු ඇත.
• ප්‍රතික්ෂේප කිරීමට බලපාන ලද හේතු ඉවත් කර,නැවත සලකා බලන ලෙස ඉල්ලා සිටීමට ඔබට හැකියාව ඇත.
• අඩුපාඩු නිවැරදි කර නැවත වාර්තා කළ විට, බලපත්‍රය නිකුත් කිරීමේ දී කලින් අනුගමනය කළ ක්‍රියා පිළිවෙත නැවත ආරම්භ කරනු ඇත.

පරිසර බලපත්‍රය නිකුත් කිරීම ප්‍රතික්ෂේප කර ඇති           විට – ඔබට කළ හැකි දේ … … …?

• පරිසර බලපත්‍රය නිකුත් කිරීම ප්‍රතික්ෂේප කළ බව ඔබට ලිපියක් මගින් දැනුම් දෙනු ලැබේ.
• බලපත්‍රය නිකුත් කිරීම ප්‍රතික්ෂේප කිරීමේ ලිපිය ලැබී දින 30ක් ඇතුළත පරිසර විෂය භාර අමාත්‍යංශයේ ලේකම් වෙත අභියාචනය කිරීමට ඔබට හැකියාව ඇත.
• අභියාචනය තමන් වෙත ලැබී දින හතක් ඇතුළත, ඒ පිළිබඳ තම තීරණය අමාත්‍යංශ ලේකම්වරයා විසින් ඔබට දැනුම් දෙනු ඇත.

ඒ තීරණය කවර ආකාරයේ ද.. … …?

       එය අවසාන තීරණය වේ.

යම් පළාත් පාළාත් පාලන ආයතන බල ප්‍රදේශයක් තුළ ඉදි කරන සෑම ඉදිකිරීමක් ම අදාළ පළාත් පාලන ආයතනය විසින් නිකුත් කරන ලද බලපත්‍රයක් යටතේ පමණක් සිදු කළ යුතු ය. එම බලපත්‍රය ලබා ගන්නේ කෙසේ ද?

1. මුලින් ම ඉල්ලුම් පත්‍රයක් ලබා ලබා ගන්න.

එය පළාත් පාලන ආයතනයේ පෙරටු කාර්යාලයෙන් ලබා ගත හැකි ය.

2. මෙම ඉල්ලුම් පත්‍රය පැහැදිලිව සහ නිවැරදි ව සම්පූර්ණ කරන්න.
3. සම්පූර්ණ කරන ලද ඉල්ලුම් පත්‍රය අදාළ ලේඛන සමග පෙරටු කර්යාලයට බාර දෙන්න.
4. ඒ සඳහා නියම කරන ගාස්තුව ගෙවා ලදුපතක් ලබා ගන්න.
5. ඉන් පසු ඉල්ලුම් පත්‍රය භාර ගත් බව, එහි ලියාපදිංචි අංකය, ක්ෂේත්‍ර පරීක්ෂණයට පැමිණෙන දිනය, බාර ගත් නිලධාරියා විසින් ඒ අවස්ථාවේ දීම ඔබට දැනුම් දෙනු ලබනවා.
6. ඔබගේ ඉල්ලීම් පත ඒ මොහොතේ ම අදාළ තාක්ෂණ නිලධාරියා වෙත යොමු කරන අතර, එය ඔබට ලැබුණු විගස ක්ෂේත්‍ර පරීක්ෂණයට පැමිණෙන දිනය තහවුරු කරන නිවේදනය ඔබ වෙත දැනුම් දෙනවා.
7. නියම කර ගත් දිනයේ අදාළ තාක්ෂණ නිලධාරියා ක්ෂේත්‍ර පරික්ෂාවට පැමිණෙන අතර, එම ඉල්ලීම පිළිබඳ නිරීක්ෂණ සහ නිර්දේශ සහිත ලිපි ගොනුව ඔහු විසින් ක්ෂේත්‍ර පරික්ෂාවට කළ දිනයේ ම සැලසුම් කමිටුවට ඉදිරිපත් කිරීම සඳහා අදාළ නිලධාරියා වෙත බාර දෙනවා.
8. තාක්ෂණ නිලධාරියාගේ නිර්දේශ සහිත ඉල්ලීම සලකා බලා අනුමත කිරීම නියම කරගත් කමිටු දිනයේදී සිදු කරනු ලබනවා.
9. ඉන් පසු විෂය භාර නිලධාරියා විසින් සැලසුම් කමිටුව රැස් වූ දින සිට දින දෙකක් ඇතුළත සංවර්ධන බලපත්‍රය පිළියෙල කර බලයලත් නිලධාරියාගේ අත්සන ලබා ගෙන එය පෙරටු කාර්යලය වෙත ලබා දෙනවා.
10. පෙරටු කාර්යාල නිලධාරි විසින්, තැපෑලෙන් හෝ අතින් සංවර්ධනය බලපත්‍රය සහ අනුමත කළ සැලස්ම ඉල්ලුම්කරු වෙත ලබා දෙනවා.
11. ඔබගේ සැලසුම අනුමත කිරීම ප්‍රතික්ෂේප කර ඇත්නම්, විෂය භාර නිලධාරියා විසින් දන්වා ඇති පරිදි සම්පූර්ණ කළ යුතු අවශ්‍යතා සකස් කර නැවත බාර දිය හැකිය.
12. සැලසුම් කමිටුව විසින් ඔබගේ ගොඩනැගිලි සැලසුම අනුමත නො කළේ  නම් ඔබට අමාත්‍යවරයා වෙත අභියාචනයක් කළ හැකිය.

බලපත්‍රයක වලංගු කාලය වසරකි. අවස්ථා දෙකක දී එය තවත් වසරක් බැගින් වලංගු කාලය දීර්ඝ කල හැකිය.වසර තුනක දී ඉදිකිරීම සම්පූර්ණ කළ නොහාකි අවස්ථාවක දී නැවත අයදුම්පතක් ඉදිරිපත් කර බලපත්‍රයක් ලබා ගත යුතු ය.

සැලසුමේ නිර්දේශවලට පටහැනිව සිදු කරන ඉදිකිරීම් අනවසර ඉදිකිරීමක් සේ සලකා කඩා ඉවත් කිරීමට හෝ නඩු පැවරීමට කටයුතු කරනු ඇත.

පළාත් පාලන ආයතන බල ප්‍රදේශයක් තුළ පවත්වාගෙන යන ව්‍යාපාර පත එම හිමිකරුවන් විසින්  ව්‍යාපාර බද්දක් පළාත් පාලන ආයතනයට ගෙවිය යුතු ය.

එම මුදල ගෙවන්නේ කෙසේ ද?

• පළාත් පාලන ආයතනය විසින් හදුනා ගෙන ලැයිසිතු ගත කර ඇති බද්දට යටත් ව්‍යාපාර පිළිබඳ ලේඛනයේ සඳහන්  තැනැත්තන් වෙත ව්‍යාපාර බදු නිවේදනය සෑම වසරකම මාර්තු 31 වන දිනට පෙර විද්‍යුත් පණිවිඩයක් මගින් හෝ අතින් බාර දීම සිදු කෙරේ.
• බදු නිවේදනය ලැබී දින හතක් ඇතුළත, බදු මුදල ගෙවා අවසන් කළ යුතු ය.
• පහසුකම් සලසා ඇති විට, මාර්ග ගත ක්‍රමයෙන් බද්ද ගෙවිය හැකි අතර, එසේ නොහැකි වන විට, පෙරටු කාර්යාලයට පැමිණ බද්ද ගෙවිය හැකිය.
• බදු මුදල් ගෙවූ පසු ඒ මොහොතේ ම පෙරටු කාර්යාල නිලධාරි විසින් ඒ වෙනුවෙන් ඔබට ලදුපතක් ලබා දේ.

ඔබ බදු නොගෙවන්නේ නම් ?

• නියමිත දින වන විට බදු නොගෙවූ අවස්ථාවක, බද්ද ගෙවීමට යටත් තැනැත්තාට සභාවෙන් සිහි කැඳවීමක් යොමු කරනු ඇත.
• සිහි කැඳවීමෙන් පසුවත් බදු මුදල ගෙවීම පැහැර හරින්නන්ට එරෙහිව මහේස්ත්‍රාත් අධිකරණයේ නඩුවක් ගොනු කරනු ඇත.
• ඉන් පසු අධිකරණයේ රෙජිස්ට්‍රාර් විසින් දැනුම් දෙන දිනයක ඔබ උසාවියේ පෙනී සිටිය යුතු ය.
• එදින අය කර ගත යුතු මුදල දඩයක් ලෙස අය කර ගැනීමට මහේස්ත්‍රාත්වරයා විසින් නියෝගයක් නිකුත් කරනු ඇත.
• ආදායම් පරීක්ෂකගේ අධීක්ෂණය යටතේ නම් කළ නිළධාරියා වෙත දඩ මුදල් ගෙවිය යුතු අතර ඒ සඳහා ඔබ වෙත ලදුපතක් නිකුත් කරනු ඇත.

කිසියම් ඉඩමක් පිහිටා ඇති පළාත් පාලන ආයතනයේ බලයලත් නිලධාරියකු විසින් මිනින්දෝරු පිඹුරු පතක සටහන් කර දක්වන මායිම වීථි රේඛාව නම් වේ. මෙම වීථි රේඛාවේ සිට ඉඩම මායිම් ව ඇති පාර දක්වා කොටස,ඉදිරියේ යම් දිනක ඒ පාර පළල් කිරීම සඳහා අත්පත් කර ගැනීමට නියමිත ය. එම නිසා එම සීමාවට අයත් කොටසේ කිසිදු ඉදිකිරීමකට ඉඩ දෙනු නොලැබේ.

ප්‍රාදේශීය සභා මාර්ගයක මධ්‍ය රේඛාවේ සිට දෙපස ට අඩි විසි පහක (මිීටර් 7.62) දුර ගොඩනැගිලි සීමාව වේ.මාර්ග සංවර්ධන අධිකාරියට අයත් මාර්ගයක හෝ පළාත් බද මාර්ග සංවර්ධන අධිකාරියට අයත් මාර්ගයක ගොඩනැගිලි සීමාව එම ආයතන විසින් ගැසට් පත්‍රයේ ප්‍රකාශයට පත් කරනු ලබන ප්‍රමාණය වේ.

කිසියම් ගොඩනැගිලි සීමාවක් හෝ වීථි රේඛා සීමාවක් තුළ කිසිදු ඉදි කිරීමකට ඉඩ දෙනු නොලැබේ.

1. මුලින්ම ඉල්ලුම් පත්‍රයක් ලබා ගන්න.

එය පළාත් පාලන ආයතනයේ පෙරටු කාර්යාලයෙන් ලබා ගත හැකි ය.

එසේම සභාවේ වෙබ් අඩවියෙන් ද බාගත කළ හැකි ය.

2. මෙම ඉල්ලුම්පත පැහැදිලිව හා නිවැරදිව සම්පූර්ණ කර ඉඩමේ මිනින්දෝරු සැලැස්මේ පිටපතක් සමග පෙරටු කාර්යාලයට බාර දෙන්න.
3. එය බාර දුන් අවස්ථාවේ දී ම,ඉඩම මායිම් වී ඇති පාරවල් ඉල්ලුම්කරු විමසීමෙන් හඳුනා ගන්නා අතර අපැහැදිලි අවස්ථාවක තාක්ෂණ නිලධාරියාගේ සහාය ලබා ගනු ඇත.
4. අදාළ දේපළ සම්බන්ධව සභාවට යම් මුදලක් අය වීමට ඇත්නම්, එය සහ සහතිකය නිකුත් කිරීමේ ගාස්තුව ඒ අවස්ථාවේ දී ම ගෙවා ලදුපතක් ලබා ගන්න.
5. වීථි රේඛා නියම කර ඇති විටක, ඉල්ලුම් පත්‍රය භාර ගෙන දින තුනක් ඇතුළත සහතිකය නිකුත් කරන අතර, වීථි රේඛා නියම කර නැති විට, ඉල්ලුම් පත්‍රය බාර ගත් දින ම ගොඩනැගිලි සීමාව පිළිබඳ සහතිකය නිකුත් කරනු ලැබේ.
6. ඉල්ලුම්කරු දේපළෙහි අයිතිකරු නොවන විට, සහතිකය නිකුත් කිරීම සඳහා අයිතිකරු විසින් ඇමුණුම 02 හි ඉල්ලුම් පත්‍රයේ 07 වන ජේදයේ සඳහන් එකඟතාව පළ කර තිබීම අනිවාර්ය වේ.
7. සභාව විසින් වීථි රේඛා නියම කර ඇත්නම්, සභාවේ තාක්ෂණ නිලධාරියා විසින් පිඹුරු පතෙහි වීථි රේඛාව සලකුණු කර ඔබට බාර දෙනු ඇත.ඇමුණුම 1 හි ගොඩනැගිලි සීමාව ද වෙනම සඳහන් කරනු ඇත.
8. සභාව විසින් වීථි රේඛා නියම කර නොමැති විට ඇමුණුම 1 හි ගොඩනැගිලි සීමාව සඳහන් කර දෙනු ලැබේ.

කිසියම් තැනැත්තන් හෝ ආයතන විසින් මහජනතාව වෙත කෙරෙන සන්නිවේදන කාර්යයට බැනර හෝ දැන්වීම් පුවරු යොදා ගනී. මෙවැනි ක්‍රියාකාරකම් හේතුවෙන් දෘශ්‍ය පරිසරයට හානි පැමිණෙන අවස්ථා වළක්වාලීමට නීති සාදනු ලැබ ඇත. මෙම නීතිවලට අනුව, කිසියම් ප්‍රචාරක දැන්වීමක් ප්‍රදර්ශනය කිරීමට පෙර පළාත් පාලන ආයතනයෙන් අවසර පත්‍රයක් ලබා ගත යුතු ය.

එය අවසර ලබා ගන්නේ කෙසේ ද?

 සභාවේ වෙබ් අඩවියෙන් හෝ පෙරටු කාර්යාලයට පැමිණ ඉල්ලුම් පත්‍රය ලබා ගන්න.

1. ප්‍රචාරක දැන්වීම් ප්‍රදර්ශනය කිරීමට දින 07 කට පෙර සම්පූර්ණ කළ ඉල්ලුම් පත්‍රය පෙරටු කාර්යාලයට පැම්ණ හෝ අන්තර්ජාලය ඔස්සේ සභාවට භාර දෙන්න.
2. ඉල්ලුම් පත්‍රය භාර ගෙන, ඉල්ලීම අතුරු ව්‍යවස්ථාවලට එකඟ ද යන්න පෙරටු කාර්යාලයේ දී ම පරීක්ෂා කර බලනු ඇත.
3. ඉල්ලීම අතුරු ව්‍යවස්ථාවට අනුකූල නම්, පෙරටු කාර්යාලය විසින් ඒ පිළිබඳ පසු විපරම් අංකයක් ඔබට නිකුත් කරනු ඇත.
4. ඉල්ලුම් පත්‍රය නිරීක්ෂණ හා නිර්දේශ ලබා ගැනීම සඳහා ආදායම් පරීක්ෂක වෙත යොමු කරනවා.
5. ආදායම් පරීක්ෂක විසින් අතුරු ව්‍යවස්ථාවේ නියම සමග ගැලපෙන්නේ නම් අය කළ යුතු ගාස්තු ප්‍රමාණය සඳහන් කරම්න් තම නිර්දේශය නාගරික කොමසාරිස් / ලේකම් වෙත ලබා දෙනවා.
6. ඉල්ලීම් නිර්දේශ කර ඇත්නම්,අවසර පත්‍රය සකස් කර නාගරික කොමසාරිස්ගේ / ලේකම්ගේ අත්සන ලබා ගෙන පෙරටු කාර්යාලයට යොමු කර, ගෙවිය යුතු ගාස්තු ප්‍රමාණය ඉල්ලුම්කරුට දැනුම් දෙනවා.
7. අන්තර්ජාලය ඔස්සේ හෝ පෙරටු කාර්යාලයට පැමිණ අදාළ මුදල ගෙවා ලදුපත සහ අවසර පත්‍රය ලබා ගැනීමට ඔබට හැකියාව ලැබේ.

පවත්වාගෙන යන කර්මාන්ත හෝ වෙළඳාම් සඳහා එම හිමිකරුවන් විසින් අදාළ පළාත් පාලන ආයතනයට කර්මාන්ත බද්දක් ගෙවිය යුතුය.

එය කරන්නේ කෙසේ ද?

1. පළාත් පාලන ආයතනය විසින් හදුනා ගෙන ලැයිසිතු ගත කර ඇති බද්දට යටත් ව්‍යාපාර පිළිබඳ ලේඛනයේ සඳහන්  තැනැත්තන් වෙත ව්‍යාපාර බදු නිවේදනය සෑම වසරකම මාර්තු 31 වන දිනට පෙර විද්‍යුත් පණිවිඩයක් මගින් හෝ අතින් බාර දීම සිදු කෙරේ.
2. බදු නිවේදනය ලැබී දින හතක් ඇතුළත, බදු මුදල ගෙවා අවසන් කළ යුතු ය.
3. පහසුකම් සලසා ඇති විට, මාර්ග ගත ක්‍රමයෙන් බද්ද ගෙවිය හැකි අතර, එසේ නොහැකි වන විට, පෙරටු කාර්යාලයට පැමිණ බද්ද ගෙවිය හැකිය.
4. බදු මුදල් ගෙවූ පසු ඒ මොහොතේ ම පෙරටු කාර්යාල නිලධාරි විසින් ඒ වෙනුවෙන් ඔබට ලදුපතක් ලබා දේ.

1. නියමිත දින වන විට බදු නොගෙවූ අවස්ථාවක, බද්ද ගෙවීමට යටත් තැනැත්තාට සභාවෙන් සිහි කැඳවීමක් යොමු කරනු ඇත.
2. සිහි කැඳවීමෙන් පසුවත් බදු මුදල ගෙවීම පැහැර හරින්නන්ට එරෙහිව මහේස්ත්‍රාත් අධිකරණයේ නඩුවක් ගොනු කරනු ඇත.
3. ඉන් පසු අධිකරණයේ රෙජිස්ට්‍රාර් විසින් දැනුම් දෙන දිනයක ඔබ උසාවියේ පෙනී සිටිය යුතු ය.
4. එදින අය කර ගත යුතු මුදල දඩයක් ලෙස අය කර ගැනීමට මහේස්ත්‍රාත්වරයා විසින් නියෝගයක් නිකුත් කරනු ඇත.
5. ආදායම් පරීක්ෂකගේ අධීක්ෂණය යටතේ නම් කළ නිළධාරියා වෙත දඩ මුදල් ගෙවිය යුතු අතර ඒ සඳහා ඔබ වෙත ලදුපතක් නිකුත් කරනු ඇත.